Синоптиктер Қазақстан бойынша 2023 жылғы 5-7 қазанға арналған ауа райы болжамын ұсынды, деп хабарлайды barysmedia.kz тілшісі.
«Қазгидромет» РМК мәліметінше, алдағы күндері Қазақстанның солтүстік, орталық және шығыс облыстарында күн райы жауын-шашынсыз, жылы болады.
«Елдің солтүстігінде күндіз +15+23 градусқа дейін, оңтүстікте +20+28 градусқа дейін жылы болады», – дейді синоптиктер.
Синоптиктердің болжамынша, республиканың батысында, оңтүстігінде және оңтүстік-шығысында күн құбылмалы болады: найзағай ойнап, екпінді жел соғады.
Еліміздің солтүстігінде, орталығында және шығысында түнде -1-3 градусқа дейін үсік жүреді.
