Көлік прокуратурасының тексеруінен кейін «ҚазАвтоЖол» компаниясы Қарағанды облысының ақылы жолдармен 69 мың автокөлік жүргізушісіне аванстық төлемдер қайтарыла бастады, — деп хабарлайды barysmedia.kz тілшісі.
Бас көлік прокуратурасының мәліметінше, қадағалаушы орган ақылы автомобиль жолдарымен жүру негіздері туралы жария шартта автокөлік жүргізушілерінің құқықтарына қайшы келетін талапты анықтады. Атап айтқанда, жедел жол қызметтерін тұтынушылар көлік құралының мемлекеттік тіркеу нөмірлік белгісін ауыстырған жағдайдапайдаланылмаған төлемдерді қайтара алатын тармақ болмаған.
Бүгінгі таңда тиісті түзетулер енгізілді. Қарағанды облысы бойынша 69 мың автокөлік жүргізушісіне 38 млн теңгеден астам сомаға аванстық төлемдер қайтарылмағаны анықталған. Прокуратураның араласуынан кейін ғанатұтынушылардың мүліктік құқықтарын қалпына келтіру жұмыстары басталды.
Прокуратура Ұлттық оператордың мүдделерін қорғау өте әлсіз жүргізілгені анықталғанын атап өтті, себебі осы қызметтерді 138 мың тұтынушының 3 жыл ішінде жалпы сомасы 50 млн теңгеге берешегі жинақталғаны белгілі болды.
Бас көлік прокуратурасы мұндай жұмыс еліміздің барлық өңірлерінде жүргізілетінін атап өтті.
