Солтүстік Қазақстан облысы бойынша сыбайлас жемқорлыққа қарсы қызмет «Бизнес жол» жобасын іске асыру аясында «Аграрлық несие корпорациясы» АҚ өңірлік филиалының басшысын ұстады, — деп хабарлайды barysmedia.kz тілшісі.
Ведомство мәліметінше, филиал басшысы жергілікті фермерлерден бірнеше рет пара алды деп күдікке ілінді. Тергеу мәліметтері бойынша, ол ауыл шаруашылығы өндірушілерінен 100-ден 500 мың теңгеге дейінгі мөлшерде ақша жинаған.
Сондай-ақ ол Қазақстанның агроөнеркәсіптік кешенін дамытудың 2021-2025 жылдарға арналған ұлттық жобасы шеңберінде кредиттік қарыздар беру туралы мәселелерді оң және кедергісіз шешкені үшін ақша алған.
«Күдікті Петропавл уақытша ұстау изоляторына қамалды. Сотқа дейінгі тергеу жалғасуда», – деп хабарлады ведомстводан.
